कोरोना थप खतरनाक हुने डब्लुएचओको भनाई

0
518

काठमाडौं, असार ३० : विश्व स्वास्थ्य संगठन (डब्लुएचओ) का प्रमुख डा. टेड्रोस एड्नम ग्याब्रियसले कोरोना भाइरसलाई सामान्य रूपमा लिननहुने आगामी दिनमा महामारीको स्थिति कल्पना गरेभन्दा पनि खराब हुनसक्ने चेतावनी दिएका छन्।

विश्वभरका सबैजसो देशले कोरोना नियन्त्रणको प्रयासमा गलत बाटो समातिरहेको कारण संक्रमण घटनुको साटो झन बढिरहेको उनले बताए।

डब्लुएचओले सुझाएअनुसार सामाजिक दूरी कायम गर्ने, मास्क लगाएरमात्र घरबाहिर निस्कने, नियमित रुपमा साबुन पानीले हात धुनेलगायतका काम विश्वका अधिकांश स्थानमा राम्ररी पालना नगरिएको ग्याब्रियसको भनाइ थियो।

कोरोना भाइरसको संक्रमणबाट निको हुनेहरूमा इम्युनिटी (रोगविरुद्ध लड्ने शारिरिक क्षमता) बढे-नबढेको अहिलेसम्म पत्ता लागिसकेको छैन। कसैमा इम्युनिटी बढेको भए पनि त्यो कहिलेसम्मका लागि हो भन्ने कुरा पनि प्रष्ट छैन।

कोरोना भाइरस अहिले मानज जातिको एक नम्बरको शत्रु हो। तर, विश्वभरका सरकारहरुले यसको नियन्त्रणका लागि सही कदम चालिरहेका छैनन्। यसले मानव जातीलाई गम्भीर खतराको बाटोमा डोर्‍याइरहेको छ । जेनेभामा भएको पत्रकार सम्मेलनमा ग्याब्रियसले भने अझै पनि विश्वभर कठोरताका साथ सावधानीका उचित उपायहरू नअपनाउने हो भने स्थिति झनै खराब हुने छ ।

LEAVE A REPLY

Please enter your comment!
Please enter your name here