प्रेस विरोधी विधेयक फिर्ता लिन नागरिक समाजको सरकारसंग आग्रह

0
1104

काठमाडौं, जेठ १ : नागरिक समाजका अगुवाले सरकारले सङ्घीय संसद्मा दर्ता गराएको विधेयकप्रतिआपत्ति जनाउँदै त्यसलाई तत्काल फिर्ता लिई मानब अधिकारको प्रत्याभूत दिन सरकारसंग आग्रह गरेका छन् ।
सङ्घीय संसद्मा दर्ता भएको विधेयकमा कसैको मर्यादा वा प्रतिष्ठामा आँच पु-याएको देखिएमा काउन्सिलले सम्बन्धित आमसञ्चार माध्यम, प्रकाशक, सम्पादक, पत्रकार वा संवाददातालाई २५ हजारदेखि दश लाखसम्म जरिवाना गर्न सक्ने प्रावधान छ ।

राष्ट्रिय मानवअधिकार ऐन–२०६८ को संशोधन गर्न बनेको विधेयक–२०७५, मिडिया काउन्सिल सम्बन्धी विधेयक–२०७५ र सामाजिक संघसंस्था ऐन–२०७५ संविधानको प्रतिकूल हुने गरी ती विधेयकहरु आएकाले फिर्ता लिन सरकारसंग आग्रह गरेका हुन् । संयुक्त नागरिक अभियानद्वारा बुधबार काठमडौंमा आयोजित नागरिक संवाद कार्यक्रममा संविधानसँग बाझ्ने विधेयक फिर्ता लिन माग गरे ।

सो अवसरमा पत्रकार महासङ्घका उपाध्यक्ष विपुल पोखरेलले संविधानमा पूर्ण प्रेस स्वतन्त्रता हुँदाहुँदै संविधान विपरीत सरकारले समाचार लेखेकै आधारमा पत्रकारमाथि दण्ड सजायको व्यवस्था गर्नु लोकतन्त्र र जनताको मौलिक अधिकारविरुद्ध भएको बताए । मिडिया काउन्सिलसम्बन्धी विधेयकले सञ्चार क्षेत्रमा अङ्कुश लगाउने भन्दै नेपाल पत्रकार महासङ्घ आन्दोलनमा छ।

राष्ट्रिय मानवअधिकार आयोगका निर्देशक मुरारी खरेलले राष्ट्रिय मानवअधिकार आयोग ऐन २०६८ लाई संशोधन गर्न बनेको विधेयक नेपालको संविधान, मानवअधिकार आयोगका गठनसम्बन्धी अन्तर्राष्ट्रिय सिद्धान्त र मान्यता (पेरिस प्रिन्सिपल)को विपक्षमा देखिएकाले त्यसलाई तत्काल सच्याउनुपर्ने बताए ।

राष्ट्रिय मानवअधिकार प्रतिष्ठानका अध्यक्ष भवानी खरेल र युथ एड्भोकेशी नेपाल (यान) का अध्यक्ष नरेन खतिवडालगायतले सरकारले मानव अधिकार आयोगसम्बन्धी विधेयक, मिडिया काउन्सिलसम्बन्धी विधेयक र सामाजिक सङ्घ÷संस्थासम्बन्धी विधेयकका विरुद्ध एकजुट भई आन्दोलन गर्नु पर्ने बेला आएको बताए /

LEAVE A REPLY

Please enter your comment!
Please enter your name here